Ирон бӕгӕныйы конкурс уагъд цӕуы ныр цалдӕр азы дӕргъы, иууыл хуыздӕры номыл ӕрвылаз тох кӕнынц бӕгӕныхсидджытӕ Ирыстон ӕмӕ Кӕсӕг-Балхъарӕй.
Традицимӕ гӕсгӕ, жюрийы уӕнгтӕ фыццаг равзардзысты уӕлахиздзауты республикӕйы районты. Финалы та, кӕцы уагъд ӕрцӕудзӕн Дзӕуджыхъӕуы, айхъуысдзӕн иууыл хуыздӕр бӕгӕныхсидӕджы ном. Хайад ма дзы райсдзысты Францы цӕрӕг ирӕттӕ дӕр.
1/16
© Sputnik / Алексей Ковалев
Ирон бӕгӕныйы бӕрӕгбон ацыд цыппӕрӕмы Хуссар Ирыстоны Цхинвалы районы.
2/16
© Sputnik / Алексей Ковалев
Уый уыд ӕхсӕнадӕмон фестиваль "Ирон Бӕгӕны-2016"-ы ӕрдӕгфиналы этаптӕй иу.
3/16
© Sputnik / Алексей Ковалев
Фестиваль арӕзт уыд комкоммӕ быдыры.
4/16
© Sputnik / Алексей Ковалев
Ам ӕрмӕст ирон бӕгӕныйӕ нӕ минас кодтой, фӕлӕ ма бынаты цӕттӕ кодтой ирон националон къӕбицы хӕринӕгтӕ.
5/16
© Sputnik / Алексей Ковалев
Дзыкка рауад замманайы – ацы хӕринаг куыд хъуамӕ уа, афтӕ ивӕзт уӕлӕрвтӕм.
6/16
© Sputnik / Алексей Ковалев
Хуссар Ирыстоны районтӕй цыппар дӕр бӕрӕгбонмӕ ӕрластой сӕ хуыздӕр продукци.
7/16
© Sputnik / Алексей Ковалев
Районты делегацитӕ ӕрластой ирон уӕлибыхтӕ, дзидза, физонӕг, хӕдзарон цыхт, дзыкка, сӕн, хӕдзарон дыргътӕ ӕмӕ халсӕрттӕ.
8/16
© Sputnik / Алексей Ковалев
Фестивалы программӕйы ма уыд спортивон мадзӕлттӕ дӕр – ерыстӕ армрестлингӕй.
9/16
© Sputnik / Алексей Ковалев
Уыдис ма дзы концертон программӕ дӕр.
10/16
© Sputnik / Алексей Ковалев
Дегустатортӕ ӕвзӕрстой хуыздӕр бӕгӕны. Ацы бӕрнон куыст фестивалы организатортӕ баууӕндыдысты бӕгӕныфыцӕн компани "Бавария"-йы технологтӕн ӕмӕ дыууӕ бӕгӕнызонӕгӕн Хуссар Ирыстонӕй.
11/16
© Sputnik / Алексей Ковалев
15 хайадисӕгӕй алкӕйдӕр фӕндыд йӕ фынгмӕ куыд фылдӕр уазджытӕ ӕрбахонын ӕмӕ сын йӕ продукцийӕ ацаходын.
12/16
© Sputnik / Алексей Ковалев
Фестивальмӕ ӕрцыдысты ӕрмӕст республикӕйы районты цӕрджытӕ нӕ, фӕлӕ ма уазджытӕ Воронежы областӕй. Уыдон баззадысты тынг райгондӕй ӕмӕ хъӕлдзӕг рӕстӕг ӕрвыстой бӕрӕгбоны иннӕ хайадисджытӕ ӕмӕ уазджытимӕ.
13/16
© Sputnik / Алексей Ковалев
Алы бӕгӕныхсидӕгӕн дӕр лӕвӕрд ӕрцыдысты дипломтӕ ӕмӕ лӕвӕрттӕ компани "Бавария"-йӕ.
14/16
© Sputnik / Алексей Ковалев
Цӕгат Ирыстоны адӕмон культурӕ ӕмӕ этнотуризмы центр "Фарн"-ы директор Цӕриаты Валерий загъта Sputnik, ацы аз бӕрӕгбоны арӕнтӕ бӕрӕг кӕй фӕуӕрӕхдӕр сты — хайад дзы райсдзысты Францы цӕрӕг ирӕттӕ дӕр.
15/16
© Sputnik / Алексей Ковалев
Фыццаг бынат ӕмӕ 15 мин сомӕн сертификат та лӕвӕрд ӕрцыд фестивалы иууыл ӕрыгондӕр хайадисӕг Мӕлдзыгаты Фатимӕйӕн Цхинвалы районы Тъбеты хъӕуӕй. Уый бӕгӕны бахсыста йӕ мады рецептмӕ гӕсгӕ.
16/16
© Sputnik / Алексей Ковалев
Ирон бӕгӕныйы фестивалы организатортӕ сты Цӕгат Ирыстоны культурӕ ӕмӕ дзыллон коммуникациты министрад, Цӕгат Ирыстоны традицион культурӕ ӕмӕ этнотуризмы центр "Фарн". Конкурсы генералон спонсор у бӕгӕныфыцӕн компани "Бавария".
