Цхинвалы бакодтой къамты хæрзаудæн равдыст "Сушка"

© Sputnik / Плиты ФатимаКъамты равдыст Цхинвалы
Къамты равдыст Цхинвалы - Sputnik Хуссар Ирыстон
Бафыссын
Yandex newsTelegram
Мадзалмæ сæ куыстытæ бавдыстой республикæйы 10 къамисæджы. Акцийы цы финансон фæрæзтæ æрæмбырд уа, уыдон здæхт æцæудзысты аварийы бахауӕг Тедеты Натия ӕмӕ йӕ чысыл чызгӕн хоскæныны нысанæн.

ЦХИНВАЛ, 17 сен — Sputnik,Плиты Фатимӕ. Къамты иубонон равдыст "Сушка" байгом сабаты Цхинвалы, хæрзаудæн акци ӕрӕмбырд кодта 70 къамы онг — республикӕйы дӕс активондæр фотографты куыстытæ.

Цхинвалы центры, Къостайы сквермæ бацæуæны бæндæнтыл ауындзæнтæй бафидар кодтой равдыстмӕ бавдыстгонд къамты. Ам фенæн ис ирон æмæ æндæр адæмты къæбицы хæринæгтæ, Ирыстоны алæмттаг æрдз, адæм националон дарæсы, хæдзарон фос, зонгæ цæсгæмттæ æмæ æндæр цымыдисон нывтӕ.

Равдыст гом уыдзæн изæрмæ, уазджытӕн фадат уыдзæн сæ зæрдæмæ фӕцӕуӕг куыстытæ балхæнын. Мадзалмæ æрбацæуæг адæмы организатортæ рæдауæй уазæг кæнынц цай æмæ сушкатæй.

© Sputnik . Плиты ФатимаКъамты равдыст Цхинвалы
Къамты равдыст Цхинвалы - Sputnik Хуссар Ирыстон
Къамты равдыст Цхинвалы

Акцийы цы финансон фæрæзтæ æрæмбырд уа, уыдон здæхт æцæудзысты аварийы бахауӕг Тедеты Натия ӕмӕ йӕ чысыл чызгӕн хоскæныны нысанæн.

"Къамтӕн бæрæг аргъ нæй, алкæцы адӕймагæн дæр йæ бон у балхæна, йæ зæрдæмæ цы къам фæцауа, уый. Фæрæзтæ хардз æрцæудзысты хæрзаудæн нысаныл — Тедеты бинонтӕн ӕххуысӕн", — радзырдта мадзалы организатортæй иу Софа Исаакян.

Уый банысан кодта, равыдст ма кæй сфæлхатт кæндзысты 20 сентябры — Республикæйы бæрæгбоны.

Фотовыставка "Сушка" Цхинвалы цæуы ныр дыккаг аз зынгӕ ӕхсӕнадон архайджытӕ Элла Авагимова, Софа Исаакян æмæ Анжела Стамбуляны хъæппæрисæй, фæсивæдон политкæ, спорт æмæ туризмы æххуысæй.

Ӕнæкоммерцион проект "Сушка" фыццаг фæзынд Санкт-Петербурджы 2010 азы. Йæ автортæ сты Ольга Луветау æмæ Андрей Кеззин. Абоны бон æм бамбал сты дунейы 140 горæты ӕмӕ 45 мин адæймаджы.

Ног хабӕртты лентӕ
0