ЦХИНВАЛ, 26 сен — Sputnik. Хуссар Иры уæвæг уæрæсейаг æфсæддон базæйы кæронмæ бахæццæ сты командон-штабон ахуыртæ. Ахуырты архайдтой 4 мин æфсæддоны æмæ 1 мин иуæджы техникæ, фехъусын кодта къуырисæры Хуссар æфсæддон зылды (ХӔЗ) пресс-службæ.
"Хæххон полигон "Дзарцъем"-ы æфсады практикон архæйдтыты хайад райстой 4 мин æфсæддоны ӕмӕ техникæйы 1 мин иуæгӕй фылдæр, се ʻхсæн нырыккон танктæ Т-72БМ, фистæг æфсæддон машинтæ БМП-2 æмæ хæдтулгæ гаубицæтӕ "Акация" æмæ "Гвоздика", — дзырдæуы хъусинаджы.
Ахуырты рæстæджы æфсæддонтӕ фехстой танчы ныхмæ гранатæӕхсæнтæ РПГ-7, автомат АК-74, æфсæддон машинæтæ æмæ æндæртæй.
Ахуырты бынатмæ цæугæйæ службӕгӕнджытæ стох кодтой условон знаджы авиацийы ныхмæ.
Банысан æрцыд, уæрæсейаг æфсæддон базæйы штаб кӕй архайдта вазыгджын æмæ тагъд ивдцæуæг уавæрты. Уымæй дарддæр ма сфæлтæрдтой æфсæддон базæйы цæттæдзинад йæ хæс сæххæст кæнынмæ, саргъ кодтой, цы фадæтæй пайда кæныц, уыдон æнæмæнгхъæуæгдзинад.
Командон-штабон ахуыртæ райдыдтой 58 æфсады командагæнæг Сергей Кузовлевы къухдариуæгады бын 20 сентябры базæйы æфсæддонты фæдисæй.
