Хуссар Иры ӕфсӕддонтӕн азы кӕронмӕ сараздзысты ног полигон

© Пресс-служба МО РЮОСтроительство нового полигона для министерства обороны Южной Осетии
Строительство нового полигона для министерства обороны Южной Осетии - Sputnik Хуссар Ирыстон
Бафыссын
Yandex newsTelegram
Ног полигон æххæст уыдзæн нырыккон имитацион ифтонгадæй, кæцыйы фæрцы саразæн уыдзæн æцæг хæстон тохы уавæртæ.

ЦХИНВАЛ, 27 сен — Sputnik. Хъахъхъæнынады министрады æфсæддонтæн азы кæронмæ сӕ бон суыдзӕн ахуыртæ ног полигоны уадзын. Йæ арæзтад фæнд кæнынц фæуын октябры, фехъусын кодтой Sputnik уагдоны пресс-службæйы.

Полигон "Дзарцъем"-мæ хæстæг хъæуты цæрджытæ иу æмæ дыууæ хатты нæ хъаст кодтой, ацы ӕфсӕддон объект сын зындзинæдтæ кæй æвзхарын кæнын, уый фæдыл. Уыдон фыстой районы æмæ суанг республикæйы къухдариуæгадмæ дæр ацы фарст аскъуыддзаг кæнын фæдыл. Уый хынцгæйæ президент Тыбылты Леонид бахæс кодта полигоны бынат раивын.

"Ног полигон æххæст уыдзæн нырыккон имитацион ифтонгадæй, кæцыйы фæрцы саразæн уыдзæн æцæг хæстон тохы уавæртæ. Йæ территорийыл уыдзæн бынæттæ æхсынæй ахуыртæн", — загътой ХМ.

© Пресс-служба МО РЮО Ног полигоны арӕзтад
Строительство нового полигона для министерства обороны Южной Осетии  - Sputnik Хуссар Ирыстон
Ног полигоны арӕзтад

Хицæн ахуырты бынæттæ цæттæ цæуынц æфсæддонтæн æхсыны бындурон зонындзинæдтæ бацамонынæн, хæцæнгарз æвæрынæн, æхсты фæстиуджытæ равзарынæн æмæ æнд.

Полигоны ма уымæй дарддæр уыдзæн централон пункт, æфсæддон къæбиц æмæ къорд æндæр объекттæ.

"Полигон куы скуса, уымæй фæстæмæ æфсæддонтæн сæрдæй-зымæгæй æмæ цыфæнды боныгъæдты дæр фадат уыдзæн ахуыртæн", — банысан кодтой пресс-службæйы.

Арæзтады рæстæджы сæрмагонд хъусдард здæхт цæуы æдасдзинады домæнтæм.

Ног хабӕртты лентӕ
0