Комеди "Рæстæгмæ ус" æввахс рæстæджы фæзындзæн театры ног репертуары

© Sputnik / Плиты ФатимаКомеди "Рæстæгмæ ус"
Комеди Рæстæгмæ  ус - Sputnik Хуссар Ирыстон
Бафыссын
Yandex newsTelegram
Сфæлдыстадон къорд бавнæлдта спектакль ӕвӕрынмӕ, уадзынц репетицитæ. Лирикон комеди хъуамæ сцæттæ уа иу мæймӕ. Режиссер йæ спектакльмæ ӕрбахуыдта адæмы уарзондӕр артисттæ Хаситы Вильгельм æмæ Уанеты Ахсары, афтæ ма йæхæдæг дæр сæххæст кæндзӕн сæйраг рольтæй иу.

ЦХИНВАЛ, 27 сен — Sputnik, Плиты Фатимӕ. Хетæгкаты Къостайы номыл паддзахадон драмон театры репертуар ног театралон сезоны баххӕст кӕндзӕн лирикон комеди "Рæстæгмæ ус", фехъусын кодта Sputnik спектаклы æвæрæг- режиссер, РЦИ-А сгуыхт артисткæ Хъæцмæзты Фатимӕ.

Спектакль ӕвӕрд цӕуы Айларты Асæхмæты пьесæ "Рæстæгмæ ус"-мӕ (Жена по контракту) гӕсгӕ. Сӕйраг рольтӕ дзы ӕххӕст кӕнынц Хуссар Иры адæмон артисттæ Хаситы Вильгельм æмæ Уанеты Ахсар, афтӕ ма режиссер йӕхӕдӕг дӕр.

"Сфæлдыстадон къорд бавнæлдта репетицитæм. Ӕгас спектакль бындуриуæг кæны цыппар актеры хъазтыл. Сæйраг хъайтар Тенекко (Хаситы Вильгельм) у нывгæнæг, уый нæ бафæрæзта царды гуылфæнты хизын æмæ ссис фыдуаг нуазаг лæг. Ӕркодтой йын рæстæгмæ ус. Уымæй дарддæр ма пьесæйы сæйраг рольтæ сæххæст кæндзысты Уанеты Ахсар æмæ Цоциты Николай", — радзырдта режиссер.

© Sputnik / Плиты ФатимаКомеди "Рæстæгмæ ус"
Комеди Рæстæгмæ  ус - Sputnik Хуссар Ирыстон
1/2
Комеди "Рæстæгмæ ус"
© Sputnik / Плиты ФатимаКомеди "Рæстæгмæ ус"
Комеди Рæстæгмæ  ус - Sputnik Хуссар Ирыстон
2/2
Комеди "Рæстæгмæ ус"
1/2
Комеди "Рæстæгмæ ус"
2/2
Комеди "Рæстæгмæ ус"

Уый банысан кодта, спектаклы сæйраг мидис кӕй у уарзондзинады фарны тæфаг адæмы хсæн ахастыты равдисын.

"Спектаклы кæрон Тенеккойыл дæр фæтых уыдзæн уарзондзинад æмæ раивдзӕн йæ ахаст дунемæ. Спектаклы фæстæ кæд цалдæр нæлгоймаг ацæуа æмæ йæ уарзон сылгоймагæн дидинджытæ балæвар кæна, науæд та сеʻ ввахс адæмæн сæ чысыл рæдыдтытæ ныххатыр кæной, уæд зӕгъæн ис æмæ мæ хæс цæсгомджынæй сæххæст кодтон", — балхынцъ кодта Хъӕцмӕзты Фатимӕ.

Комедийы ма уæлæмхас фæлгонцтæ сæххæст кæндзысты актертæ Хаситы Сослан æмæ Тедеты Андрей. Спектакль сцæттæ уыдзӕн иу мӕйы ӕмгъуыдмӕ.

Хъæцмæзты Фатимæйæн "Рæстæгмæ ус" уый уыдзæн йе ‘хсæзæм куыст, нырмæ йын бантыст сæвæрын спектакльтӕ "Ды мæ куы уарзай", "Чи у аххосджын","Азау æмæ Таймураз" æмæ Цæгат Ирыстоны театры сценӕйыл та "Ӕртæ рæсугъды".

Ног хабӕртты лентӕ
0