ЦХИНВАЛ, 29 сен — Sputnik, Плиты Фатимӕ. Тæбæхсауты Балойы номыл Цæгат Ирыстоны ирон академион театр цхинвайлаг кæсæгæн равдисдзæн дыууæ спектакль æмæ иу аргъау, фехъусын кодта Sputnik РХИ драмтеатры аивадон къухдаиуæггæнæг Дзудцаты Тамерлан.
"Цæгат Ирыстоны ирон театры гастролтæ Цхинвалы ахæсдзысты дыууæ боны. Сфæлдыстадон къорд бацæттæ кодта нывæзт чысыл сабитæн дæр æмæ хистæр кары адæмæн дæр. Сабиты зæрдӕтæ барухс кæндзысты аргъауæй æмæ хистæр кары адæмæн та равдисдзысты дыууæ комедийы", — радзырдта Дзудцаты Тамерлан.
Гастролтӕ цӕудзысты 3-4 октябры, фæйнæ дыууæ хатт сабитæн бонæй æвдыст цæудзæн "Вовка аргъæутты дунейы" æмæ изæры та комедитæ "Сæттти æмæ Бæтти" æмæ "Ӕнæниз ут".
