ЦХИНВАЛ, 7 окт — Sputnik. Хуссар Ирыстон ӕмӕ Уӕрӕсейы хъахъхъӕнынадон ведомствӕтӕ фӕнд кӕнынц ӕфсӕддон фельдъегерон-постон бастдзинады къабазы ӕмгуыстады фӕдыл бадзырд бафыссын, фехъусын кодтой Sputnik Хъахъхъӕнынады министрады пресс-службӕйы.
2009 азы сентябры ведомствӕты ӕхсӕн бафыст ӕрцыд фыццаг бадзырд ӕфсӕддон къабазы ӕмгуыстады фӕдыл. Фӕстӕдӕр ма бафыст ӕрцыд ноджы иу бадзырд — Хуссар Ирыстоны территорийыл иумӕйаг уӕрӕсейаг ӕфсӕддон базӕйы фӕдыл.
"Ӕфсӕддон фельдъегерон-постон бастдзинады къабазы ӕмгуыстады фӕдыл бадзырды бафыстыл уынаффӕ цыд Уӕрӕсейы Федараци ӕмӕ Хуссар Ирыстоны хъахъхъӕнынадон ведомствӕты къухдариуӕггӕнджыты кусӕгон фембӕлды рӕстӕджы",- загътой пресс-службӕйы.
Фембӕлды хайадисджытӕ статьятӕм гӕсгӕ ӕруынаффӕ ӕмӕ ӕрӕмдзых кодтой бадзырды проект.
Уыдон бадзырдтой проектыл мидпаддзахадон уынаффӕтӕ ауадзын ӕмӕ йӕ фӕстиуджыты тыххӕй кӕрӕдзийӕн информаци ӕрбавдисын дипломатон каналтыл.
