ЦХИНВАЛ, 10 окт — Sputnik. Арӕнхъахъхъӕнджытӕ ӕмӕ таможнӕйы кусджытӕ байстой контрабандон тамакойы егъау парти, хъусын кӕны 15 регион.
Таможнӕйон уадзӕн пункт "Дӕлаг Зӕрӕмӕг"-ы уӕзласӕн транспорт басгарыны рӕстӕджы тыхон структурӕты кусджытӕ ӕфсӕйнӕгты бын ссардтой картонӕй къоппытӕ тамакоимӕ "Донской табак", "Continent" ӕмӕ "Наша марка".
Уыимӕ тамакойы егъау партимӕ ӕнӕмӕнгхъӕуӕг документтӕ уаргъы хицӕуттӕ не ‘рбавдыстой.
Фӕстӕдӕр куыд рабӕрӕг, афтӕмӕй машинӕйы ластой 777 къоппы тамакоимӕ. Уаргъы базарадон аргъ у 23 милуан сомӕй фылдӕр.
