ЦХИНВАЛ, 12 окт — Sputnik. Хуссар Ирыстоны сӕйраг информацион ведомствӕйы сӕргълӕууӕгӕй снысан кодтой Тыбылты Аланы. Ӕмбӕлон указ ӕртыццӕджы бафыста президент Тыбылты Леонид.
"Снысан кӕнын Тыбылты Алан Таймуразы фырты Республикӕ Хуссар Ирыстоны мыхуыр ӕмӕ информацийы паддзахадон комитеты сӕргълӕууӕгӕй", — дзырдӕуы указы.
Ныры онг Тыбылты Алан ахста президенты администрацийы мидӕггагон политикӕйы управленийы къухдариуӕггӕнӕджы хӕдивӕджы бынат.
Информацийы паддзахадон комитеты раздӕры сӕргълӕууӕг Гобозты Вячеслав, кӕцы ӕртӕ азы къухдӕриуӕгад кодта ацы ведомствӕйӕн, йӕ бынатӕй сӕрибар ӕрцыд ацы аз марты, ӕндӕр бынатмӕ кӕй ахызт, уый тыххӕй. Ныр уый у хицауады минӕвар парламенты.
