ЦХИНВАЛ, 12 окт — Sputnik. Информацион агентад ӕмӕ радио Sputnik. Хуссар Ирыстон бацӕттӕ кодта ахуырадон проект Sputnik.Тест, кӕцы интерактивон викторинӕты форматы фадат дӕтты ирон культурӕ, ӕвзаг, истори ӕмӕ традициты къабазы зонындзинӕдтӕ рабӕлвырд кӕнынӕн, афтӕ ма бӕстӕйы тыххӕй ног кӕнӕ рохгонд факттӕ базонын.
Викторинӕйы проекттӕ ранӕуӕггонд цӕуынц ӕрвылкъуыри ӕмӕ сӕ ис фӕйнӕ 5-10 фарсты темӕты уӕрӕх спектры фӕдыл — адӕмон традицитӕ, мадӕлон ӕвзаг, райгуырӕн бӕстӕйы истори.
"Алы адӕймагмӕ дӕр ис зонындзинӕдты бӕлвырд уаргъ, уыдон ног цымыдисон факттӕй фӕфылдӕр кӕнын фадат ратдзӕн проект Sputnik.Тест", — загъта Sputnik Хуссар Ирыстоны къухдариуӕггӕнӕг Нарек Ордян.
Викторинӕйы кӕрон, раст дзуаппыты нымӕцмӕ гӕсгӕ йӕ хайадисджытӕн лӕвӕрд ӕцӕудзӕн "Эксперт" кӕнӕ "Ӕвӕлтӕрд"-ы къӕпхӕн. Фыццаг викторинӕйы ис 6 фарсты ирон литературӕйы историйӕ. Проект Sputnik.Тесттӕ ӕвӕрд уыдзысты порталы националон ӕмӕ уырыссаг верситыл.
Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты сайттӕ, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
