ЦХИНВАЛ, 17 окт — Sputnik. Хуссар Ирыстоны дыццӕджы бонӕй аст сахаты бӕрц ахицӕн кӕндзысты электроэнерги, загътой Sputnik "Энергоресурс"-ы.
Куыстуаты сӕргълӕууӕг Гӕбӕраты Алан куыд банысан кодта, афтӕмӕй ахицӕн баст у электрохаххы фадгуытӕй иуыл цалцӕггӕнӕ куыстытӕ ауадзыны ӕнӕмӕнгхъӕуындзинадимӕ, кӕцыйы уылты республикӕ исы электроэнерги Цӕгат Ирӕй.
"Райсом фарастӕй изӕры фондз сахатмӕ республикӕйы нӕ уыдзӕн рухс. Цӕгат Иры территорийыл уагъд цӕудзысты цалцӕггӕнӕн куыстытӕ. Уый авари нӕу, фӕлӕ сты нывӕзтон куыстытӕ электрохахх зымӕгон рӕстӕгмӕ бацӕттӕ кӕныны фӕдыл. Куыстытӕ уагъд цӕудзысты Цӕгаттаг порталы дӕлстанцы", — загъта Гӕбӕраты Алан.
Ахицӕны тыххӕй дыццӕджы республикӕйы нӕ кусдзысты сабидӕттӕ, уымӕн ӕмӕ уагдӕтты фадат нӕй сывӕллӕттӕн хъарм хӕринаг сцӕттӕ кӕнын.
Рухс кӕй ӕрцӕудзӕн хицӕн, уый тыххӕй цӕрджытӕн фехъусын кодтой бынӕттон мыхуыры фӕрӕзты фӕрцы.
