ЦХИНВАЛ, 24 окт — Sputnik. Хуссар Ирыстоны арӕнхъахъхъӕнджытӕ ӕрцахстой паддзахадон арӕны ӕртӕ халӕджы. Уыдон разындысты Гуырдзыстоны ӕмбӕстӕгтӕ, загътой Sputnik Паддзахадон ӕдасдзинады комитеты.
Фӕткхалджыты ӕрцахстой 21-23 октябры Хуссар Ирыстоны Гуырдзыстонимӕ паддзахадон арӕны Ленингоры районы Тыджыты ӕмӕ Цхинвалы районы Громы хъӕуты фадгуытыл.
"Равзӕрсты рӕстӕджы рабӕрӕг, фӕткхалджытӕ кӕй сты гуырдзыстойнаг ӕмбӕстӕгтӕ — Душеты районы Каркушаанийы, Гуры районы Диди Меджврисхеви ӕмӕ Кирбалийы хъӕуты цӕрджытӕ. Ӕрцахсты рӕстӕджы уыдонмӕ ницы документтӕ уыд", — банысан кодтой ПӔК-ы.
ПӔК-ы арӕнгӕрон службӕ ныртӕккӕ уадзы куыст фӕткхалджыты гоймагдзинад сбӕлвырд кӕныны фӕдыл.
