ЦХИНВАЛ, 26 окт — Sputnik. Ӕвзӕр боныгъӕдмӕ ӕнӕкӕсгӕйӕ, Хуссар Ирыстон Уӕрӕсеимӕ цы иунӕг фӕндаг иу кӕны — Транскамы автомагистралы куыст нӕ ӕрлӕууыд йӕ куыстӕй, фехъусын кодтой Sputnik УУМ-ы пресс-службӕйы.
Дыццӕджы изӕрӕй ныры онг Хуссар Ирыстоны мит йӕ уарынӕй нӕ лӕууы. Тӕвдбарӕны бӕрӕггӕнӕнтӕ ӕхсӕвы ӕрхауынц минусон температурӕйы онг.
"Транскамыл, уӕлдайдӕр та уӕлхох фадгуытыл, уары мит. Кӕцыдӕр бынӕтты ныууарыд 15 см бӕрзӕндӕн, трассӕ у бырынцъаг. Фӕлӕ уавӕр нӕ бандӕвта Хуссар Ир ӕмӕ Уӕрӕсейы фӕндагон бастдзинадыл. Транскам кусы ӕрвылбонон режимы", — загъта УУМ-ы пресс-секретарь Хъуылымбегты Елена.
Йӕ ныхӕстӕм гӕсгӕ, фӕндагон службӕтӕ сты къӕрцхъус магистралы уавӕрмӕ ӕмӕ бахъуыды рӕстӕджы асыгъдӕг кӕнынц фӕндаг миты ӕмбӕрзӕнӕй.
