Хуссар Иры парламент райста чысыл бизнесы кредиткӕныны фӕдыл закон

© Sputnik / Алексей КовалевПарламент
Парламент - Sputnik Хуссар Ирыстон
Рафыссын
Закон хӕсджын кӕны Хуссар Ирыстоны хицауады ӕрвылаз дӕр парламентмӕ ӕрбавдисын чысыл амалиуӕгады паддзахадон ӕххуысы программӕ, кӕцы ӕххӕст цӕуы бюджеты сӕрмагонд ӕфтиӕгтӕй иууыл къаддӕрӕй 2% хардзӕй.

ЦХИНВАЛ, 28 окт — Sputnik, Козаты Диана. Хуссар Ирыстоны парламент майрӕмбоны райста республикӕйы чысыл амалиуӕгады субъектты уӕлбар кредиткӕнынады тыххӕй закон. Закон рагфӕдзӕхст кӕны уӕлбар кредиткӕнынады ӕххуысӕн сӕрмагонд фонды сырӕзт, кӕцы арӕзт цӕудзӕн паддзахадон бюджеты сӕрмагонд ӕфтиаджы фӕрӕзтӕй.

Здание Комитета по налогам и сборам Республики Южная Осетия в Цхинвале - Sputnik Хуссар Ирыстон
Хуссар Иры Фиддонон кодексы дыккаг хай йӕ тыхы бацӕудзӕн 2018 азӕй

Депутатты размӕ фарст рахаста экономикӕ, чысыл амалиуӕгад ӕмӕ хъӕууон хӕдзарады фӕдыл парламентон комитеты сӕргълӕууӕг Джиоты Инал. Йӕ ныхӕстӕм гӕсгӕ, закон рацыд алы ӕнӕмӕнгхъӕуӕг процедурӕтӕ ӕмӕ банысан кодта, бакуысты рӕстӕджы экономикӕйы министрад кӕй банхъардта кредитӕй ифтонг кӕныны фӕдыл закъон хицӕнӕй райсын нӕ, фӕлӕ бахӕссын ивындзинӕдтӕ амалиуӕгадӕн ӕххуыс кӕныны фӕдыл архайгӕ законмӕ.

Закон хӕсджын кӕны Хуссар Ирыстоны хицауады ӕрвылаздӕр парламентмӕ ӕрбавдисын чысыл амалиуӕгады паддзахадон ӕххуысы программӕ, кӕцы ӕххӕст цӕудзӕн бюджеты сӕрмагонд ӕфтиӕгтӕй иууыл къаддӕрӕй 2% хардзӕй.

"Мӕ хъуыдымӕ гӕсгӕ, законмӕ хъӕуы бахӕссын нормӕ, кӕцы программӕ реализаци кӕнынӕн хицӕн кӕндзӕн сӕрмагонд ӕфтиӕгтӕй иууыл къаддӕрӕй 2%", — загъта Бибылты Анатолий.

Хицауады аппараты къухдариуӕггӕнӕг Гаглойты Олег банысан кодта, ӕххӕстгӕнӕн органтӕн нырма фадат кӕй нӕй кредиттӕй ифтонгкӕнынадӕн ӕххуысы фонд саразын. Фӕлӕ фиппаинагмӕ ӕнӕкӕсгӕйӕ, закон райст ӕрцыд спикеры ӕнхъарӕнтӕ нымадмӕ райсыны фӕстӕ.

Документмӕ гӕсгӕ, уӕлбар кретиткӕнынад архайы ахӕм хуызтӕ ӕмӕ къабӕзты, куыд: кондад, хъӕууон хӕдзарады бындурон къабӕзты продукцийы реализаци ӕмӕ рацарӕзт, цӕрджытӕн цӕрӕнуатон-коммуналон лӕггӕдтӕ кӕнын, ахуырадон архайд, медицинӕ, ӕхсӕнадон хӕрд ӕмӕ а. д.

Ног хабӕртты лентӕ
0