ЦХИНВАЛ, 31 окт — Sputnik, Болататы Алина. Цӕгат Ирыстоны мысыдысты 1992 азы Горӕтгӕрон районы ӕрцӕугӕ трагедийы амӕттӕгты рухс нӕмттӕ.
Республикӕйы цӕрджытӕ сӕвӕрдтой дидинтӕ ӕмӕ веноктӕ Ирыстоны хъахъхъӕнджыты цыртмӕ Октябыры хъӕуы ӕмӕ Кады Аллейы Дзӕуджыхъӕуы.
Цыт кӕнынмӕ ӕрбацыдысты республикӕйы сӕргълӕууӕг Битарты Вячеслав, хицауады сӕрдар, министрты кабинетты, депутатон корпуыс уӕнгтӕ, ӕхсӕнадон ӕмӕ динон организациты минӕвӕрттӕ.
Фыдохы мадзӕлтты хайад райста Хуссар Ирыстоны делегаци президент Тыбылты Леониды сӕргълӕудӕй.
Ардӕм ӕрбамбырд сты республикӕйы цӕрджытӕ дӕр, Ирыстоны фӕмардуӕвӕг хъахъхъӕнджыты хиуӕттӕ ӕмӕ хӕстӕджытӕ, афтӕ ма сӕдӕгай адӕймӕгтӕ, кӕцытӕй никуы ферох уыдзысты 1992 азы ӕвирхъау бонтӕ. Цӕрджытӕ сырх дидинджытимӕ ӕмырӕй цыдысты ӕмӕ цыдысты цыртмӕ ӕнӕкӕрон гуылфӕнӕй.
1992 азы 31 октябры РЦИ-Аланийы Горӕтгӕрон районы рцыд хотыхджын ныхмӕлӕуд. Конфликты рӕстӕджы сабыр цӕрджыты ӕхсӕн уыд бирӕнымӕц амӕттӕгтӕ, ӕмӕ ныры онг дӕр сӕдӕгай ирӕттӕ — горӕтгӕронрайоны цӕрджытӕ, нымад цӕуынц ӕбӕрӕгӕй фесӕфӕгыл.
