ЦХИНВАЛ, 31 окт — Sputnik. Легендарон актер Владимир Зельдин амард Мӕскуыйы 101 —аздзыдӕй, фехъусын кодтой РИА Новости Склифосовскийы номыл тагъд ӕххуысы ЗИИ бæрæгуатон службӕйы.
"Уый амард райсом 09.00 сахатыл", — загъта агентады дзырдӕмбал.
Раздӕр хъусын кодтой, актеры уӕззау уавӕры кӕй бахаудта столицӕйы клиникӕтӕй иумӕ. Йӕ цардӕмбал Иветта Зельдина радзырдта, уый ӕртӕ къуыри йе ‘нӕниздзинадӕн кӕй хос кодта ӕфсӕддон госпиталы — уырдӕм ӕй арвыстой Склифософскийы номыл Зонад-Иртасӕн институтӕй.
Уӕрӕсейаг кинематографы историмӕ уый бацыд легендарон комеди "Свинарка и пастух"-ы хохаг Мусаибы ролимӕ, театры историмӕ та Альдемаройы ролӕй спектакль "Учитель танцев"-ы. Уӕрӕсейаг ӕфсады театры сценӕйыл Владимир Зельдин Альдемаройы роль сӕххӕст кодта мин хаттӕй фылдӕр. Ацы роль Зельдины сӕххӕстӕй ссис профессионалон дӕсниады дӕнцӕг цалдӕр фӕлтӕр артисттӕн.
Ацы аз Зельдиныл сӕххӕст ис 101 азы. Уый ахъазыд дӕсгай фильмты, кӕцыты ӕхсӕн "Карнавальная ночь", "Дядя Ваня", "Дуэнья", "Укрощение строптивой", "31 июня". 1945 азӕй Зельдин хъазыд Уӕрӕсейаг ӕфсады Централон академион театры сценӕйыл.
