ЦХИНВАЛ, 1 ноя — Sputnik. Уӕгъдибар хъӕбысхӕстӕй Уӕрӕсейы ӕмбырдгонды сӕйраг тренер Тедеты Дзамболат фехъусын кодта, Уӕрӕсейы спортивон хъӕбысхӕсты федерацийы (УСХФ) президенты бынатмӕ йӕ кандидатурӕ кӕй нӕ хъавы раразмӕ кӕнын ӕмӕ ацы иформаци схуыдта хынджылӕг.
"Чи уын загъта? Ӕз хынджылӕг кодтон", — загъта Дзамболат телефонӕй "Р-Спорт" уацхӕссӕгӕн.
Тедеты Дзамболат бахатыд, цӕмӕй ацы информацийӕн мацы нысаниуӕг дӕттой.
"Кӕдӕм размӕ кӕнын мӕ кандидатурӕ? Махӕн ис аккаг сӕргълӕууӕг — Михаил Мамиашвили — ӕмӕ йӕ фарс балӕудзыстӕм. Ӕз адарддӕр кӕндзӕн сӕйраг тренеры куыст, кӕд афтӕ аскъуыддзаг кӕна Федерацийы президент", — загъта Тедеты Дзамболат.
УСХФ хыгъдон-ӕвзӕрстон конференци уагъд ӕрцӕудзӕн 12 ноябры. Михаил Мамиашвили Федерацийы сӕргъ лӕууы 1997 азӕй фӕстӕмӕ.
