ЦХИНВАЛ, 2 ноя — Sputnik. Оперативон службӕтӕ ауагътой басгӕрст ӔИА "Россия сегодня"-йы бӕстыхайы бомбӕйы тыххӕй анонимон хъусинаджы фӕстӕ, рӕмудзӕн ӕрмӕг не ′ссардӕуыд, фехъусын кодтой РИА Новости столицӕйы экстренон службӕты.
Райсомӕй ӕбӕрӕг сылгоймаг фӕдзырдта "02" номырыл ӕмӕ фехъусын кодта, Зубовский бульвары 4-ӕм хӕдзары кӕй ис ӕвӕрд рӕмудзӕн ӕрмӕг. Бӕлвырд цӕуы сылгоймаджы гоймагдзинад.
"Бӕстыхай ӕрцыд сгӕрст, ницы зӕрдӕмӕхсайгӕ предметтӕ ссардӕуыд. Кусджытӕ ӕмӕ ‘рбацӕуджытӕн ис сӕрибар бахизӕн агентадмӕ. Эвакуаци уагъд не ′рцыд", — загъта агентады дзырдӕмбал.
Телефонон хъусинаджы фӕстӕ бӕстыхаймӕ фӕхӕццӕ сты экстренон службӕты дӕс машинӕйӕ фылдӕр — полици, сыгъдхуыссынгӕнӕг службӕтӕ ӕмӕ катастрофӕты медицинӕйы, бахизӕны ӕнхъӕлмӕ кастысты ирвӕзынгӕнджытӕ ӕмӕ барадхъахъхъӕнӕг органты кусджытӕ. Ныртӕккӕ оперативон службӕты машинӕтӕ апырхытӕ сты.
