ЦХИНВАЛ, 3 ноя — Sputnik. Цхинвалы ацæудзæн Хуссар Ирыстоны зынгхуыст хъæбатыр, Абхазы хъайтар Хуыбылты Валерийы номарæн турнир боксæй, фехъусын кодтой Sputnik фæсивæдон политикæ, спорт æмæ туризмы комитеты пресс-службæйы.
Ерыстæ цæудзысты 5-8 ноябры спорты галуан"Олимп"-ы.
"Турниры сæ тыхтæ æвзардзысты æрыгон боксертæ Цæгат ӕмӕ Хуссар Ирыстонæй, афтӕ ма Кæсæг-Балхъарæй. Ерысты архайдзысты 1997-2005 ӕзты гуырд спортсментæ", — загъта комитеты пресс-секретарь Софа Исаакян.
Ерыстæ оргнизацигонд цæуынц Фæсивæдон политикæ, спорт æмæ туризмы комитет æмæ Хуссар Ирыстоны Боксы федерацийы тыхтӕй.
