ЦХИНВАЛ, 7 ноя — Sputnik. Хуссар Ирыстоны ӕнӕниздзинад хъахъхъӕнынады къабазы модернизацийыл ӕрдзурдзысты Уӕрӕсейы ӕнӕниздзинад хъахъхъӕнынады министрады минӕвӕрттӕ сӕ хуссарирыстойнаг коллегӕтимӕ республикӕмӕ дыууӕбонон визиты рӕстӕджы, хъусын кӕны уагдоны пресс-службӕ.
УФ Хъахъхъӕнынады министры ӕххуысгӕнӕг Анатолий Гулины сӕргълӕудӕй делегаци ӕрцӕудзӕн Хуссар Ирыстонмӕ дыццӕджы, 8 ноябры кусӕгон балцы. Дыууӕбонон визиты рӕстӕджы уӕрӕсейаг специалисттӕ фӕуазӕг уыдзысты Цхинвалы арӕзт цӕуӕг медицинон уагдӕттӕм, хуссарирыстойнаг коллегӕтимӕ ӕруынаффӕ кӕндзысты бынӕттон медицинон уагдӕтты куыстыл ӕмӕ Хуссар Ирыстоны ӕнӕниздзинад хъахъхъӕнынады къабазы модернизацийы программӕйыл.
Визиты фӕстиуджытӕм гӕсгӕ, Дзӕуджыхъӕуы уагъд ӕрцӕудзӕн уӕрӕх ӕмбырд Уӕрӕсе, Хуссар ӕмӕ Цӕгат Иры ӕнӕниздзинад хъахъхъӕныны министрадты минӕвӕртты хайадистӕй.
