ЦХИНВАЛ, 15 ноя — Sputnik. Хуссар Ирыстоны ӕртыццӕджы ахицӕн кӕндзысты электроэнерги, загъта Sputnik "Энергоресурс"-ы гендиректор Гӕбӕраты Алан.
Рухсы ахицӕн хаст ӕрцыд ныр дыууӕ хатты, уымӕн ӕмӕ иу цалцӕггӕнджытӕ аргъӕвтой нывӕзтгонд цалцӕггӕнӕн куыстытӕ электрохаххы хызӕджы фадгуытӕй иуыл, кӕцыйыл рухс хӕццӕ кӕны республикӕмӕ.
"Цалцӕггӕнӕн куыстытӕ уагъд цӕудзысты цӕгатирыстойнаг территорийыл "Цӕгаттаг порталы" дӕлстанцы. Уымӕ гӕсгӕ цалцӕггӕнӕн куыстыты рӕстӕджы — райсом фараст сахатӕй изӕры фондз сахатмӕ нӕ уыдзӕн рухс", — загъта Гӕбӕраты Алан.
Рухс ахицӕны тыххӕй ӕртыццӕджы республикӕйы сабидӕттӕ уыдзысты ӕхгӕд, уымӕн ӕмӕ уагдӕтты фадат нӕй сывӕллӕттӕн хъарм хӕринаг сцӕттӕ кӕнын.
