ЦХИНВАЛ, 16 ноя — Sputnik, Болататы Алина. Поэт Дудайты Чермен нысан ӕрцыд Цӕгат Ирыстоны культурӕйы министры хӕдивӕгӕй.
Цӕгат Ирыстоны хицауад ӕртыццӕджы хорзыл банымадта цалдӕр кадрон ивындзинады.
Дудайты Чермен ацы бынаты раивта культурӕйы министры хӕдивӕг Мамсыраты Сосланбенджы.
Хицауад ма снысан кодта Дзоблайты Зурабы экономикон райрӕзты министры хӕдивӕгӕй Гӕджиты Батразы бӕсты. Экономикон райрӕзты министры иу хӕдивӕгӕй ма ноджы урӕд ӕрцыд Гæдзӕуты Феликс.
Афтӕ ма йӕ куысты бынат аивта республикӕйы хицауады сӕрдары ӕххуысгӕнӕг Таира Купеева — уый ӕрцыд урӕд ЦКХ-ы министры хӕдивӕгӕй.
