ЦХИНВАЛ, 17 ноя — Sputnik. Хуссар Ирыстоны уӕвӕг уӕрӕсейаг ӕфсӕддон базӕйы, афтӕ ма Цӕгат Кавказы Хуссар ӕфсӕддон зылды 58-ӕм ӕфсады дӕлхайӕдты ӕмӕ баиугӕндты ахуырадон-ӕфсӕддон мадзӕлтты интенсивондзинад 2015 азимӕ абаргӕйӕ фӕфылдӕр ис дыууӕ хатты, фехъусын кодта ХӔЗ-ы пресс-службӕ.
Ӕфсады полигонты астӕуккаг ӕрвылкъуырион ӕнӕвдӕлондзинад ссис 90-100%.
"Цӕгат Кавзазы дислокацигонд ХӔЗ-ы 58-ӕм иумӕйаг ӕфсады дӕлхайӕдты ӕмӕ баиугӕндты ахуырадон-ӕфсӕддон мадзӕлтты интенсивондзинад, фаронимӕ абаргӕйӕ, фӕфылдӕр ис дыууӕ хатты. Ахуыры азы дӕргъы ӕфсӕддон службӕгӕнджытӕ сӕххӕст кодтой 3, 5 мин ӕхсты хӕцӕнгарз ӕмӕ ӕфсӕддон машинӕты гӕрзтӕй. Ӕххӕст ӕрцыд 2 мин бахыгъдон ӕмӕ контролон хӕслӕвӕрды ӕфсӕддон машинӕтӕ скъӕрынӕй", — дзырдӕуы хъусинаджы.
Зылды ма банысан кодтой, ахуырадон мадзӕлтты активонӕй спайда кӕй ӕрцыд ӕнӕпилотон тӕхӕг апппараттӕй, нырыккон танктӕй Т-72Б3 ӕмӕ Т-90А, фистӕг ӕфсады ӕфсӕддон машинӕтӕй БМП-3 ӕмӕ бронетранспортертӕй БТР-82А, бронемашинӕтӕ "Дозор", "Тигр-М", заллыппон ӕхсты системӕтӕй "Торнадо", сгарӕн комплекс "Зоопарк"-ӕй ӕмӕ ног фӕлтӕр артиллерион системӕйӕ.
