ЦХИНВАЛ, 22 ноя — Sputnik. Хуссар ӕфсӕддон зылды (ХӔЗ) разысгарджытӕ скуынӕг кодтой мӕнг террористты Кавказы рагъыл, ахуырадон операцийы хайад райстой 200 ӕфсӕддонӕй фылдӕр, фехъусын кодтой РИА Новости ХӔЗ-ы пресс-службӕйы.
"Цӕгат Ирыстоны, хӕххон полигон Дарьялы ХӔЗ-ы разысгарӕн дӕлхайӕдты службӕгӕнджытӕ сӕрмагонд цӕтӕдзинады фӕлгӕтты бакуыстой мӕнг ӕнӕзакъонон гарзджын тыхты ссарын ӕмӕ скуынӕг кӕныныл. Ахуыртӕм ӕрбаиу кодтой 200 разысгарӕгӕй фылдӕры", — дзырдӕуы хъусинаджы.
Тактикон-сӕрмагонд ахуырты рӕстӕджы сгарӕн къордтӕ сӕ мадзӕлттӕ уагътой 2 километры бӕрзӕндыл хӕххон ӕмӕ хъӕдджын бынаты. ХӔЗ-ы информацимӕ гӕсгӕ, мӕнг ныхмӕллӕуджыты ӕмбӕхст лагерь ссаргӕйӕ, разысгарджытӕ бастдзинады руаджы адӕттой командӕгӕнӕг пунктмӕ объекты координаттӕ, уый фӕстӕ ӕрхъула кодтой лагерыл ӕмӕ бабырстой ницызонӕг ныхмӕлӕуджытӕм.
Уымӕй дарддӕр ма ахуырты рӕстӕджы ӕфсӕддонтӕ бӕрзонддӕр кӕнынц сӕ фӕлтӕрддзинад ныхмӕлӕууӕджы фӕсчъылдым сгарӕн мадзӕлттӕ уадзыны, фӕлгӕсӕн постты организаци кӕныны ӕмӕ знаджы размӕ бабадыны хъуыддаджы. Уавæртæ уыдысты максималон æввахс хæстонтæм.
