ЦХИНВАЛ, 25 ноя — Sputnik. Ӕлборты Феликсы номыл Цхинвалы музыкалон ахуыргӕнӕндоны студенттӕ ацыдысты стажировкӕмӕ Италимӕ, фехъусын кодтой Sputnik РХИ культурӕйы министрады пресс-службӕйы.
Гуымсӕгдзӕгъдӕг Дудайты Къоста ӕмӕ фӕндырдзӕгъдӕг Къӕбысты Сӕрмӕт иу мӕйы дӕргъы ахуыр кӕндзысты Россинийы номыл консерваторийы горӕт Пьезаройы.
"Балц нысангонд уыд октябры кӕрӕттӕм, фӕлӕ визӕтӕ ӕмӕ иннӕ документты ӕрцӕттӕ кӕнын бацахста бирӕ фылдӕр рӕстӕг, уымӕ гӕсгӕ лӕппутӕ афӕндараст сты нырма йеныр. Мӕйы дӕргъы уыдонмӕ ӕнхъӕлмӕ кӕсынц бирӕ цымыдисон мадзӕлттӕ. Дырыс нывӕзт нырма бӕрӕг нӕу, студенттӕ йӕ базондзысты бынаты", — банысан кодтой пресс-службӕйы.
Уагдоны куыд банысан кодтой, афтӕмӕй, ахуыр ӕмӕ профессор Франческа Матаченийы мастер-класстӕй дарддӕр ма консерваторийы уагъд ӕрцӕудзӕн ирон музыкӕйы концерт.
Цхинвайлаг студентты ахуыр фӕсарӕнты организацигонд ӕрцыд РХИ культурӕйы министрад ӕмӕ Италийы мидхъуыддӕгты министрады републикӕйы минӕварады ӕхсӕн бадзырды фӕлгӕтты.
Хуссар Ирыстоны дипломатон уагдоны бакӕныны официалон церемони Италийы уагъд ӕрцыд ацы аз апрелы мӕйы ӕмӕ ссис дыууӕ бӕстӕты минӕвӕртты ӕртӕазон куысты фӕстиуӕг.
