Æбӕрӕг гоймӕгтӕ Цхинвалы бон-сихорафон фыднад фӕкодтой æвзонг лæппуйы

© Sputnik / Ада БагианГостиница "Алан"
Гостиница Алан - Sputnik Хуссар Ирыстон
Бафыссын
НовостиTelegram
Хуыцаубоны, 11.40 сахатыл Цхинвалы уазæгдон "Алан"-ы цур æбӕрӕг гоймӕгтӕ ӕгъатыр над фæкодтой горæты цæрæг, 21-аздзыд лæппуйы. Дохтырты ныхӕстӕм гӕсгӕ, зианбаййафæджы уавӕр у уӕззау, фӕлӕ йӕ цардӕн ницы тас у.

ЦХИНВАЛ, 28 ноя — Sputnik. Барадхъахъхъæнӕг органтæ архайынц æбӕрӕг гоймӕгты нæмттæ базонын, кæцытӕ Цхинвалы фыднад фӕкодтой ӕвзонг лӕппуйы, фехъусын кодтой Sputnik мидхъуыддӕгты министрады пресс-службæйы.

Цау æрцыд хуыцаубоны, горæты автовокзалмæ хæстæг.

"Бонæй 11.40 сахатыл Цхинвалы уазæгдон "Алан"-ы цур æбӕрӕг гоймӕгтӕ ӕгъатыр над фæкодтой горæты цæрæг, 21-аздзыд лæппуйы. Дохтырты хатдзæгтæм гæсгæ, лæппу райста сæры уæззау травмӕ æмæ цæсгомы цæфтæ. Цауы фӕдыл сгарӕн куыстытӕ уадзы мидхъуыддӕгты министрады горӕттаг управлени", — банысан кодтой уагдоны.

Республикон рынчындоны Sputnik куыд фехъусын кодтой, афтæмæй зианбаййафæджы уавӕр у уӕззау, фӕлӕ йӕ цардӕн ницы тас у.

Цалдӕр боны размӕ ма Цхинвалы æрцыд ноджы иу ахæм хабар — горæты цæрæг 27-аздзыд Гаглойты Иналы дæр фæкодтой фыднад. Уый уæззау цæфтæ не 'сфæрæзта æмæ цалдæр боны фæстæ амард.

Ног хабӕртты лентӕ
0