ЦХИНВАЛ, 30 ноя — Sputnik. Хуссар Ирыстоны бокс уарзджытӕ бакӕсдзысты Гасситы Мӕрӕт ӕмӕ Лебедев Денисы тохы комкоммӕ трансляцимӕ Цхинвалы ПККЗ "Чермен"-ы 3 декабры, загъта Sputnik бынӕттон ӕхсӕнадон организаци "Ног Фӕлтӕр"-ы сӕргълӕууӕг Цхуырбаты Сергей.
"Бокс уарзджытӕ ӕмӕ не ′мзӕххоны фарсхӕцджытӕн киноконцертон зал "Чермен"-ы уыдзӕн WBA/IBF версимӕ гӕсгӕ дунейы чемпионы номы тыххӕй тохы комкоммӕ трансляци", — загъта Цхуырбаты Сергей.
Уый ныфс ис, тохы трансляци кӕй ӕрбамбырд кӕндзӕн бирӕнымӕц адӕмы, уымӕ гӕсгӕ Фӕсивӕдон хъӕппӕристы центр "Ног Фӕлтӕр" нывӕнды параллелон равдыст Цхинвалы хореографион залы дӕр саразан.
Трансляци уагъд цӕудзӕн 3 декабры 21:00 сахатыл. Билет у ӕнӕаргъӕй.
Равдысты организатор ссис Фӕсивӕдон хъӕппӕристы центр "Ног Фӕлтӕр" РХИ президент Тыбылты Леониды ӕххуысӕй.
