ЦХИНВАЛ, 3 дек — Sputnik. Ирон боксер Гасситы Мурæт ссис дунейы чемпион IBF версимæ гæсгæ. Уый рамбылдта Уæрæсейы æмбæстаг Денис Лебедевы 12 раундон тохы.
Ныхмæлæуд цыд Мæскуыйы аренæ "Мегаспорт"-ы.
Ацы уæлахиз ссис Гасситы Мурæтæн профессионал рингы 24-æм. Уый руаджы боксер адарддæр кодта йе 'нæмбылд карьерæ. Гасситы Мурæтæн уыд 24 фембæлды æмæ æппæт тохтæй дæр рахызт уæлахиздзауæй, уыдонæй 17 рамбылдта нокаутæй.