ЦХИНВАЛ, 14 дек — Sputnik. Транскавказы магистралы цæгатирыстойнаг фадыгыл æнæрлæугæ стыр митуард фадат нæ дæтты фæндагон службæтæн трассæ сыгъдæг кæнынмæ бавналын, загътой Sputnik РХИ УУМ пресс-службæйы.
Транскам сæхгæдтой зæйы ‘рцыды тас æмæ стыр митуардты аххосæй дыццæджы 19:40 сахатыл Уæрæсейы УУМ Цæгатирыстойаг управленийы барамындæй.
"Фæндаджы цæгатирыстойнаг фарс митуард не ʻрынцад знонæй нырмӕ. Тæссаг у зæйтæ ʻрцæуынæй, фæндагон службæтæн нырма дæр сæ бон нæу сыгъдæггæнæн куыстытæм бавналын", — загъта уагдоны пресс-секретарь Хъуылымбегты Елена.
Йæ ныхæстæм гæсгæ, трассæйы хуссарирыстойнаг фарс ис æмбæлон уавæры æмæ дзы фæндагон змæлд ницы хъыгдары.
Транскавказаг автомагистраль — иунæг фæндаг, кæцыйыл гæнæн ис Уæрæсейæ Хуссар Ирыстонмæ ныццæуын.
