ЦХИНВАЛ, 14 дек — Sputnik. Фæндагон змæлд Транскавказы магистралыл байгом æртыццæджы 19.00 сахатыл, загътой Sputnik РХИ УУМ пресс-службæйы.
Хуссар Ирыстон æмæ Уæрæсейы хсæн иунæг фæндагыл автомобилон змæлд æрæхгæдтой дыццæджы изæрæй. Ӕртыццæджы фæндагон службæтæ фехстой зæй ӕрцæуынӕй тас цы бынæтты уыд, уыдон.
"Нæ цæгатирыстойнаг коллегӕтæ фехъусын кодтой, трассæйыл æдасæй цæуæн кæй ис, уымæ гæсгæ Буронæй Ручъы тоннелы онг фæндаджы хайыл æдасæй цæуы фæнадгон змæлд дыууæрдæм дæр æртыццæджы изæры 19:00 сахатæй фæстæмæ, сæрмагонд барамынды онг", — загътой пресс-службæйы.
Транскавказон магистраль, кæцы цæуы хæххон бынæттыл, у иунæг фӕндаг Уæрæсейæ Хуссар Ирыстонмæ.
