ЦХИНВАЛ, 15 дек — Sputnik. Фæндагон змæлд Транскавказы магистралыл байгом цыппæрæмы 16.00 схатыл, загътой Sputnik РХИ УУМ пресс-службæйы.
Хуссар Ирыстон æмæ Уæрæсейы хсæн иунæг фæндагыл автомобилон змæлд æрæхгæдтой дыццæджы изæрæй. Ӕртыццæджы фæндагон службæтæ фехстой зæй ӕрцæуынӕй тас цы бынæтты уыд, уыдон æмæ æртыццæджы 19.00 сахатæй цыппӕрæмы райсом 11:00 сахатмæ фæндаг уыд гом.
"Абон фæндагон службæтæ адарддæр кодтой куыст трассæйыл, цæмӕй дзы æдасæй уа ацæуæн. Магистралыл фæндагон змæлд байгом 16.00 сахатæй", — загътой пресс-службæйы.
Цæгат Ирыстоны сæрмагонд службæты бӕрӕггӕнӕнтӕм гæсгæ, æввахс бонты хæххон районты тæссаг у зæйтæ рацæуынæй.
