ЦХИНВАЛ, 16 дек — Sputnik. Поляк Кшиштоф Влодарчик ауадздзӕн тох Сомихстонӕй рацӕугӕ немыцаг боксер Ноэль Геворимӕ, цӕмӕй суа IBF версимӕ гӕсгӕ дунейы чемпионы титулмӕ ӕнӕмӕнг претендент, кӕцы ныртӕккӕ у ирон боксер Гасситы Мурӕты, фехъусын кодта Р-Спорт Влодарчикы сӕйраг тренер Федор Лапин.
Гасситы Мурӕт рамбылдта IBF титул уӕрӕсейаг Денис Лебедевимӕм тохы фӕстиуӕгӕн. Ныр 23-аздзыд ирон боксер йӕ чемпионы ном бахъахъхъӕныны тыххӕй йӕ фыццаг ӕнӕмӕнгхъӕуӕг ныхмӕлӕуд хъуамӕ ауадза сентябры онг.
"Ацы тохы нысан у элиминатормӕ хуыздӕр бацӕуын, — загъта телефонӕй Лапин. — Радон тох махӕн уыдзӕн ӕнӕмӕнг претенденты номыл Ноэль Геворимӕ. Мах цӕуӕм IBF хаххыл. Раст зӕгъгӕйӕ, уыд ӕнхъарӕн WBC-ӕй, фӕлӕ уым алцы бӕлвырд нӕу. IBF хаххыл тагъддӕр ис гӕнӕн уӕлахиздзауы ном райсын. Тохы цы бонмӕ уыдзӕн нысан, уый тыххӕй бӕстонӕй мӕ бон зӕгъын ницы у".
