ЦХИНВАЛ, 22 дек — Sputnik. Иосиф Сталины хъӕбулы хъӕбул Евгений Джугашвили амард Мӕскуыйы 80 азы кары, фехъусын кодтой РИА Новостийӕн уӕрӕсейаг столицӕйы тагъд ӕххуысы службӕйы.
Евгений Джугашвили райгуырд 1936 азы Сталины хистӕр фырт — Яковы бинонты Урюпинскы. Каст фӕцис Жуковскийы номыл Ӕфсӕддон-уӕлдӕфон инженерон академийы радиотехникон факультет ӕмӕ бирӕ рӕстӕг куыста ӕфсӕддон минӕварадты къабазы, сӕрмагондӕй академик Сергей Королевы къорды.
1991 азӕй фӕстӕмӕ Евгений Джугашвили райдыдта исын активон хайад уӕрӕсейаг ӕмӕ гуырдзиаг политикӕйы, куыд коммунистон змӕлды архайӕг. Джугашвили иу ӕмӕ дыууӕ хатты нӕ хъаст кодта алыгъуызон дзыллон информацийы фӕрӕзтыл, йӕ дадайы кад ӕмӕ намыс хъахъхъӕнгӕйӕ. 2015 азы ныффыста мысинӕгты чиныг "Мӕ дада — Сталин. Уый у сыгъдӕг!", афтӕ ма сӕххӕст кодта Сталины роль йӕ фыд Яков Джугашвилийы тыххӕй фильмы.
