ЦХИНВАЛ, 23 дек — Sputnik. Донецкаг адӕмон республикӕмӕ ацы аз фӕуазӕг дыууӕ хатты фылдӕр фӕсарӕйнаг делегацитӕ, 2015 азимӕ абаргӕйӕ, хъусын кӕны майрӕмбоны РИА Новости ДАР-ы ФХМ-ы сӕргълӕууӕг Наталья Никоноровайы ныхӕстӕ.
"2015 азимӕ абаргӕйӕ Донецкаг адӕмон республикӕмӕ фӕуазӕг дыууӕ хатты фылдӕр делегацитӕ ӕввахс ӕмӕ дард фӕсарӕнтӕй", — загъта уый йӕ раныхасы 2016 азы куыстӕн фӕстиуджытӕ аразгӕйӕ.
Никоноровайы ныхӕстӕм гӕсгӕ, ацы аз ДАР-ы уыдысты делегацитӕ Франц, Чехи, Хуссар Ир, Абхаз, Уӕрӕсейы Федераци, Польшӕ, Германи, Итали, Греци ӕмӕ Финляндийӕ.
Хуссар Ирыстон Донецкаг ӕмӕ Луганскаг адæмон республикæты хæдбардзинад банымадта 2014 азы. 2015 азы апрелы Донецк æмæ Луганскы байгом сты Хуссар Ирыстоны минæварадтæ. Уыцы мæйы Хуссар Ирыстоны байгом сты Луганскаг адæмон республикæ æмæ Донецкаг адæмон республикæйы минæварадтæ.
ЛАР ӕмӕ Хуссар Ирыстоны ӕхсӕн бафыстӕуыд ӕхсӕнпарламентон ӕмӕ ӕхсӕнхицауадон бадзырдтӕ.
