ЦХИНВАЛ, 26 дек — Sputnik. Хуссар Ирыстоны президент Тыбылты Леонид загъта тӕфӕрфӕсы ныхӕстӕ Уӕрӕсейы президент Владимир Путин ӕмӕ ӕппӕт Уӕрӕсейы Федерацийы адӕмӕн хуыцаубоны ӕрцӕугӕ авиакатастрофӕйы фӕдыл, фехъусын кодта президенты пресс-секретарь Гана Яновская.
"Стыр хъыгимӕ Хуссар Ирыстоны сӕмбӕлдысты уӕрӕсейаг ӕмбӕстӕгтимӕ Уӕрӕсейы хъахъхъӕнынады министрады хӕдтӕхӕджы ӕрхаудыл горӕт Сочимӕ ӕввахс ӕмӕ сӕ трагикон амӕлӕты уӕззау хабарыл", — загъта Тыбылты Леонид.
Тӕфӕрфӕсы ныхӕстӕ ма фӕмардуӕвджыты хиуӕттӕ ӕмӕ хӕстӕджытӕн бӕстӕйы сӕргълӕууӕг загъта УФ-йы минӕвар Хуссар Ирыстоны Къарджиаты Эльбрусимӕ сӕрмагонд фембӕлды рӕстӕджы.
"Республикӕ Хуссар Ирыстоны цӕрджыты, къухдариуӕгад ӕмӕ сӕрмагондӕй мӕхи номӕй тӕфӕрфӕс кӕнын Дӕуӕн, фӕмардуӕвджыты хиуӕттӕ ӕмӕ хӕстӕджытӕн ӕмӕ ӕппӕт Уӕрӕсейы адӕмӕн ацы ӕбуалгъ трагедийы фӕдыл", — загъта президент.
