Гергиты Валерийы къухдариуӕгадӕй Мариинаг театры симфоникон оркестр ӕмӕ хор ссардтой Ту-154 авиакатастрофӕйы амӕттӕгты рухс нӕмттӕ, Джузеппе Вердийы "Реквием" сӕххӕст гӕнгӕйӕ. Концерт уагъд ӕрцыд 29 декабры. Хайад ма дзы райстой Поповы номыл аивады академийы хор ӕмӕ Кожевниковы номыл паддзахадон облӕстон хор.
Ту-154 Сочийӕ хъуамӕ атахтаид Латакимӕ 25 декабры, фӕлӕ хӕдтӕхӕг ӕрхауд Сау денджызмӕ. Уӕлдӕфон науы бортыл уыдысты 84 пассажир ӕмӕ экипажы аст уӕнджы — ӕфсӕддон службӕгӕнджытӕ, Александровы номыл кафт ӕмӕ зарды ансамблы артисттӕ, уӕрӕсейаг дзыллон информацийы фӕрӕзты минӕвӕрттӕ.
