ЦХИНВАЛ, 16 янв — Sputnik. Авиакомпани Turkish Airlines-ы уӕзласӕн Boeing 747 ӕрхаудта Бишкекмӕ ӕввахс къуырисӕры райсомӕй, хӕдтӕхӕг ӕххӕст кодта рейс Гонконг-Бишкек. Катастрофӕйы фӕстиуӕгӕн фӕмард иууыл къаддӕрӕй 30 адӕймаджы, фехъусын кодта РИА Новости Киргизийы ӕнӕниздзинад хъахъхъӕнынады пресс-службӕйы минӕвар.
Киргизийы УУМ-ы зонӕнтӕм гӕсгӕ, хӕдтӕхӕг ӕрхауд аэропорты цур поселочы районы.
"Ныртӕккӕ хӕдтӕхӕджы катастрофӕйы фӕстиуӕгӕн чи фӕмард, уыдон номхыгъдтӕ цӕуынц бӕлвырд, дзырд цӕуы 30-мӕ ӕввахс фӕмардуӕвджытыл бынӕттон цӕрджыты ӕмӕ экипажы уӕнгты нымӕцӕй. Дзырд цӕуы дӕсгӕйттыл", — загъта агентады дзырдӕмбал.
Йӕ ныхӕстӕм гӕсгӕ, цауы бынаты ис ӕнӕниздзинад хъахъхъӕнынады министр Талантбек Батыралиев, арӕзт ӕрцыд ирвӕзынгӕнӕн куыстытӕ уадзыны фӕдыл штаб.
Ӕнӕниздзинад хъахъхъӕнынады зонӕнтӕм гӕсгӕ, цауы бынатӕй госпитализаци ӕрцыд аст адӕймаджы, уыдонӕй ӕхсӕз сты сывӕллӕттӕ, алчидӕр сӕ райста бирӕнымӕц травмӕтӕ ӕмӕ сыгъдтӕ.
