ЦХИНВАЛ, 16 янв — Sputnik. Ирон футболист Гæбулты Владимир ссис тулайаг "Арсенал"-ы зынаргъдæр хъазæг, хъусын кæны 15 регион.
Стырдæр спортивон сайт "Transfermarkt"- ы бæрæггæнæнтæм гæсгæ, Гӕбулы фырты трансферон аргъ лæууы 2,5 милуан евро.
Уымæй размæ "Арсенал"-ы иууыл зынаргъдæр хъазæгыл нымад цыдысты хъахъхъæнæг Максим Беляев æмæ æрдæгхъахъхъæнæг Илья Максимов, кæцыйӕн йӕ ахызты аргъ лæууыд 1,5 милуан евро.
33-аздзыд ирон футболист Гæбулты Владимир тулайаг клубмæ ахызт сæрибар трансферы хуызы. Уый размӕ Владимир хъазыд мӕскуыйаг "Динамо"-йы сконды.
