ЦХИНВАЛ, 16 янв — Sputnik. Хуссар Ирыстоны президент Тыбылты Леонид йӕ администрацийы сӕргълӕууӕгӕй снысан кодта Тъехты Аланы, уый хицауады фыццаг вице-премьеры бынатӕй ссӕрибаргӕнгӕйӕ, хъусын кӕны республикӕйы президенты пресс-службӕ.
Ӕмбӕлон указ бафыстӕуыд къуырисӕры, уыцы бон президент базонгӕ кодта администрацийы кусджытӕн сӕ ног сӕргълӕууӕджы.
Ведомствӕйы раздӕры хистӕр — Джиоты Алан — йӕ бынатӕй сӕрибор ӕрцыд фарон декабры, фӕстӕдӕр та йӕ снысан кодтой Хуссар Ирыстоны Конституцион тӕрхондоны тӕрхонгӕнӕгӕй.
Тъехты Алан абоны онг куыста хицауады фыццаг вице-премьеры бынаты.
