ЦХИНВАЛ, 16 янв — Sputnik. Хуссар Ирыстоны президент Тыбылты Леонид снысан кодта Тъехты Аланы йæ администрацийы сæргълæууæгæй. Барамынд бафыст æрцыд къуырисæры.
Биографион справкæ
Тъехты Алан Зауыры фырт райгуырд 1961 азы 14 июны Цхинвалы.
1978 азы каст фæцис Хетæгкаты Къостайы номыл Цæгат Ирыстоны паддзахадон университет, экономикæйы факультет.
Фӕллойадон архайд
Æндæр æмæ æндæр рæстæджыты Тъехты Алан куыста æхсæнадон хæлцы тресты; финансон хайады инструкторæй; социалон куысты кабинеты гæсæй, Хуссар Ирыстоны фæскомцæдисы областон комитеты организацион хайады гæсæй; Цхинвалы автобустæ цалцæггæнæн заводы сæйраг экономистӕй.
Фæстæдæр куыста æндæр æмæ æндæр бынæтты Хуссар Ирыстоны президент æмæ хицауады администрацийы. Уыд РХИ президенты цур Паддзахадон контролы комитеты сæйраг специалист, РХИ президенты администрацийы къухдариуæггæнæджы хæдивæг, Хуссар Ирыстоны хицауады сæрдары хæдивæг.
2016 азы июнæй абоны онг уыд Хуссар Ирыстоны хицауады сæрдары фыццаг хæдивæг.
