ЦХИНВАЛ, 25 янв — Sputnik. Хуссар Ирыстоны уӕрӕсейаг базӕйы ӕфсӕддон службӕгӕнджытӕ ӕрӕвнӕлдтой ахуыртӕм, уыдон бакусдзысты ӕфсӕддон техникӕимӕ архайын ӕнӕпилотон тӕхгӕ аппараттӕй спайда кӕнгӕйӕ, фехъусын кодтой журналисттӕн Хуссар ӕфсӕддон зылды пресс-службӕйы.
"Республикӕ Хуссар Ирыстоны уӕвӕг ХӔЗ-ы уӕрӕсейаг ӕфсӕддон базӕйы "Дзарцъем"-ы полигоныл 1,5 мин ӕфсӕддонӕй фылдӕр ӕрӕвнӕлдтой быдырон ахуыртӕм ӕнӕпилотон тӕхгӕ аппараттӕ "Застава", "Гранат", "Орлан" ӕмӕ "Леер"-ӕй спайда кӕнгӕйӕ", — дзырдӕуы хъусинаджы.
Ахуырты нывӕзтмӕ гӕсгӕ, ӕфсӕддонтӕ "цыргъ кӕнынц сӕ дӕсниад арӕхстджын тох уадзыны хъуыддаджы танкӕтӕ Т-72БМ, ӕфсӕддон машинӕтӕ БМП-2, артиллерион ӕвӕрдтӕ "Акация" ӕмӕ "Гвоздика", афтӕ ма ӕнӕпилонон тӕхӕн аппараттӕй пайдагӕнгӕйӕ.
"Экипажты иумӕйаг куысты кӕронбӕттӕн суыдзысты ӕфсӕддон ӕхст ӕфсӕддон машинӕты штатон хӕцӕнгарзӕй, танктӕ ӕмӕ хӕддзӕугӕ артиллерион ӕвӕрдтӕй сӕ дӕлхайӕдты сконды", — банысан кодтой ХӔЗ-ы.
