ЦХИНВАЛ, 30 янв — Sputnik. Абхазы скъолаты ӕмӕ скъолаагъоммӕ уагдӕтты ахуыр аивтой 2 февральмӕ ӕвзӕр боныгъӕды аххосагӕй, кълӕсты ис тынг цъус сывӕллӕттӕ, уый тыххӕй Sputnik Абхазӕн фехъусын кодта республикӕйы ахуырад ӕмӕ зонады министры хӕдивӕг Медея Ченгелия.
"Ӕвзӕр боныгъӕды аххосагӕй ахуырадон ӕмӕ скъолаагъоммӕ уагдӕтты ахуыр аивтой 31 январӕй 1 февральмӕ. Ахуырмӕ ӕрӕвналдзыстӕм 2 февралы. Боныгъӕдмӕ ӕнӕкӕсгӕйӕ ахуыргӕнджытӕ иууылдӕр сты сӕ куысты, фӕлӕ нӕй сывӕллӕттӕ — фӕйнӕ 3-4 сывӕллоны кълӕсты. Сывӕллӕттӕй бирӕтӕ улӕфт бонты уыдысты хъӕуты ӕмӕ баззадысты уым, боныгъӕд сын нӕ радта фадат фӕстӕмӕ ӕрыздӕхынӕн", — загъта Ченгелия.
Йӕ ныхӕстӕм гӕсгӕ, ахуырад ӕмӕ зонады министр Адгур Какоба уыд столицӕйы скъолӕтӕй алкӕцыйы дӕр.
Тыхджын митуард Абхазы райдыдта 28 январы ӕхсӕв ӕмӕ уарыд суанг къуырисӕры онг. Абхазы фӕндӕгтыл змӕлд у зынвадат. Ӕвзӕр боныгъӕды фӕстиуӕгӕн Абхазы скъолатӕ ӕмӕ скъолаагъоммӕ уагдӕтты къуырисӕры аивтой ахуыр.
