ЦХИНВАЛ, 31 янв — Sputnik. Хуссар Ирыстоны уӕвӕг Уӕрӕсейаг ӕфсӕддон базӕ райста хайад Хуссар ӕфсӕддон зылды (ХӔЗ) ӕфсады цӕттӕдзинады уӕрӕх басгӕрсты, фехъусын кодтой РИА Новости ХӔЗ-ы пресс-службӕйы.
Басгӕрст уагъд ӕрцыд УФ-йы 15 регионы, хайад дзы райста Сауденджызон флот ӕмӕ Каспиаг флотилийы, афтӕ ма Хуссар Ирыстон ӕмӕ Абхазы, Ӕфсӕддон-уӕлдӕфон тыхты ӕмӕ уӕлдӕфон хъахъхъӕнынады ӕфсады хисӕрмагонд сконд, банысан кодтой зылды.
Къуырийы дӕргъы цыдысты ахуыртӕ бастдзинады, оперативон радгӕсонты практивон архӕйдтыты фӕдыл. Сауденджызон флот ӕмӕ Каспиаг флотилийы экипажтӕ бакуыстой науты цӕттӕдзинадыл тохмӕ, денджызы хъахъхъӕнынады алы хуызы организацийыл, загътой пресс-службӕйы.
Авиацион дӕлхайадтӕ тренировкӕты рӕстӕджы бакуыстой аэродромты ракондыл мӕнг ныхмӕлӕууӕджы территорийӕ, сарӕзтой ратахттӕ оперативон аэродромтӕм. Къуырион ахуыртӕ ӕмӕ тренировкӕты хатдзӕг ссис ӕфсӕддон цӕттӕдзинады фӕдыл домӕнтыл бакуыст, кӕцытӕ сты иумӕйаг ӕфсӕддон хӕйттӕ ӕмӕ къухдариӕгады органтӕн иууылдӕр.
