Гасситы Мурӕт ӕмӕ Денис Лебедев райстой преми "Звезда Бокса" азы хуыздӕр тохы тыххӕй

© Sputnik / Алана СабееваМурат Гассиев
Мурат Гассиев - Sputnik Хуссар Ирыстон
Бафыссын
Yandex newsTelegram
Церемони уагъд ӕрцыд хиирхӕфсӕн комплексы Golden Palace Мӕскуыйы, Гасситы Мурӕт ӕмӕ Денис Лебедев хорзӕхджын ӕрцыдысты фарон декабры сӕ ирд тохы тыххӕй, ирон спортсмен дунейы чемпионы титул куы рамбылдта.

ЦХИНВАЛ, 1 фев — Sputnik, Сабеты Аланӕ. Гасситы Мурӕт ӕмӕ Денис Лебедев райстой националон преми "Звезда бокса" азы иууыл хуыздӕр тохы тыххӕй, кӕцыйы фӕстиуӕгӕн ирон боксер фарон декабры рамбылдта IBF версимӕ гӕсгӕ дунейы чемпионы титул.

Боксеры хуызы статуэткӕ Мурӕт райста дыууӕ хатты олимпиаг чемпион, горӕт Дзӕуджыхъӕуы сӕргълӕууӕг Хӕдӕрцаты Махарбеджы къухтӕй.

Денис Лебедев фыццаг хатт тохы фӕстӕ загъта бузныг Гасситы Мурӕт ӕмӕ йӕ командӕйӕн аккаг ныхмӕлӕуды тыххӕй.

© Sputnik / Алана СабееваГасситы Мурӕт ӕмӕ Денис Лебедевы хорзӕх кӕныны церемони
На церемонии вручения премии Звезда бокса Мурату Гассиеву и Денису Лебедеву - Sputnik Хуссар Ирыстон
Гасситы Мурӕт ӕмӕ Денис Лебедевы хорзӕх кӕныны церемони

Йӕхи рады ирон спортсмен дӕр банысан кодта, ӕхсызгон ын кӕй у иу сценӕйыл ахӕм номдзыд спортсментимӕ лӕууын.

"Тынг ӕхсызгон мын у ахӕм хорзӕх мын кӕй дӕттынц. Бузныг, аккагыл мӕ чи банымадта, уыдонӕн. Бузныг мӕ командӕйӕн ӕмӕ мӕ тренер Сланты Виталийӕн. Хуыцау зӕгъӕд ӕмӕ мӕм разӕй ӕнхъӕлмӕ кӕса ноджы вазыгджындӕр фӕлварӕнтӕ ӕмӕ уыдоны уӕлахиз", — загъта ирон спортсмен.

Йӕ ныхӕстӕм гӕсгӕ, уый йын у фыццаг ахӕм хорзӕх ӕмӕ йӕ сӕвӕрдзӕн исты тӕрхӕгыл хӕдзары. Майдантӕ ӕмӕ ронтӕн сӕрмагонд бынат Гасситы Мурӕтӕн нӕй. Нӕдӕр боксер, нӕдӕр командӕ зоны, кӕд уыдзӕн радон тох. Ныхмӕлӕууӕджы ном дӕр у ӕнӕзонгӕ, кандидатты ӕхсӕн ис украинӕйаг боксер Александ Усикы ном дӕр.

Уымӕй дарддӕр ма, Денис Лебедев дӕр ӕмӕ Гасситы Мурӕт дӕр дзурынц, цӕттӕ кӕй сты тох-ревеншмӕ, кӕд промоутертӕ бадзурой, уӕд. Дыууӕ боксеры дӕр нырма не ‘рывнӕлдтой тренировкӕтӕм ӕмӕ сӕ рӕстӕг ӕрвитынц хӕдзары сӕ бинонтимӕ.

© Sputnik / Алана СабееваГасситы Мурӕт ӕмӕ Денис Лебедевы хорзӕх кӕныны церемони
Гасситы Мурӕт ӕмӕ Денис Лебедевы хорзӕх кӕныны церемони - Sputnik Хуссар Ирыстон
1/3
Гасситы Мурӕт ӕмӕ Денис Лебедевы хорзӕх кӕныны церемони
© Sputnik / Алана САбееваГасситы Мурӕт ӕмӕ Денис Лебедевы хорзӕх кӕныны церемони
Гасситы Мурӕт ӕмӕ Денис Лебедевы хорзӕх кӕныны церемони - Sputnik Хуссар Ирыстон
2/3
Гасситы Мурӕт ӕмӕ Денис Лебедевы хорзӕх кӕныны церемони
© Sputnik / Алана СабееваГасситы Мурӕт ӕмӕ Денис Лебедевы хорзӕх кӕныны церемони
Гасситы Мурӕт ӕмӕ Денис Лебедевы хорзӕх кӕныны церемони - Sputnik Хуссар Ирыстон
3/3
Гасситы Мурӕт ӕмӕ Денис Лебедевы хорзӕх кӕныны церемони
1/3
Гасситы Мурӕт ӕмӕ Денис Лебедевы хорзӕх кӕныны церемони
2/3
Гасситы Мурӕт ӕмӕ Денис Лебедевы хорзӕх кӕныны церемони
3/3
Гасситы Мурӕт ӕмӕ Денис Лебедевы хорзӕх кӕныны церемони

Церемони уагъд ӕрцыд хиирхӕфсӕн комплексы Golden Palace Мӕскуыйы. Уый лӕвӕрд цӕуы цыппӕрӕм хатт профессионалон боксы ӕнтыстыты тыххӕй. Ацы аз "Звезда бокса" лӕвӕрд цыд дӕс бындурон номинациты. Гасситы Мурӕт ма уыд претендент ноджы ӕртӕ номинацийы: "Афӕдзы иууыл цырддӕр нокаут", "Афӕдзы нокаут" ӕмӕ "Афӕдзы боксер".

Ног хабӕртты лентӕ
0