Цӕгат Иры ӕрцахстой фӕткхалӕджы прокуратурӕйӕ

© Sputnik / Наталья Селиверстова / Ахизын фотобанкмӕПолиция
Полиция - Sputnik Хуссар Ирыстон
Бафыссын
Yandex newsTelegram
Прокуратурӕйы кусӕг ныхмӕ фӕлӕууыд ӕмӕ бафӕлвӕрдта полицийы кусджытӕй хи бааууон кӕнын, кӕцытӕн бантыст йӕ ӕруромын ӕрмӕстдӕр уӕлдӕфмӕ ӕмӕ машинӕйы цӕлхытӕ фехсыны фӕстӕ.

ЦХИНВАЛ, 1 фев — Sputnik. Цӕгат Ирыстоны полицийы кусджытӕ ӕрурӕдтой фӕткхалӕджы, кӕцы фӕлӕууыд ныхмӕ ФПС-йы инспектортӕн йӕ машинӕ басгӕрсты рӕстӕджы, хъусын кӕны РЦИ-Аланийы МХМ-ы пресс-службӕ.

ГАИ во Владикавказе пыталось выстрелами остановить нарушителя из прокуратуры - Sputnik Хуссар Ирыстон
Дзӕуджыхъӕуы автоинспекци ӕхсты руаджы бафӕлвӕрдта ӕруромын фӕткхалӕджы прокуратурӕйӕ

ФПС-йы инспектортӕ дыццӕджы ӕрлӕууын кодтой автомашинӕ "Лексус LX 570", кӕцы скъӕрдта Дзӕуджыхъӕуы 37-аздзыд цӕрӕг. Документтӕ басгӕрсты рӕстӕджы Паддзахадон автоинспекцийы кусджытӕ фыдгӕнӕгмӕ суыдтой пистолет. Шофыр загъта, кӕй у барадхъахъхъӕнӕг органты кусӕг ӕмӕ хӕцӕнгарз кӕй у табелон, фӕлӕ не ′сразы ӕрбавдисын хӕцӕнгарз химӕ дарыны тыххӕй документ. Фӕстӕдӕр куыд фӕбӕрӕг, афтӕмӕй фӕткхалӕг разынд Уӕрӕсейы Федерацийы прокуратурӕйы цур слестгӕнӕн комитеты кусӕг, I классы юрист Гӕмосты Тамерлан.

"Полицийы кусджыты законон домӕнӕн — хӕцӕнгар ӕмӕ йӕ документтӕ ӕрбавдисын — шофыр райдыдта ныхмӕ лӕууын, скусын кодта машинӕ ӕмӕ бафӕлвӕрдта хи бааууон кӕнын. Фӕстейӕ йӕ асурыны рӕстӕджы полицийы кусджытӕ сарӕзтой фӕдзӕхстон ӕхстытӕ уӕлдӕфмӕ ӕмӕ машинӕйы цӕлхытыл, цӕй фӕстӕ фыдгӕнӕг ӕрцыд ахст. Мадзӕлтты рӕстӕджы нӕлгоймаг бафӕлвӕрдта пистолет исты фӕкӕнын. Ныртӕккӕ хӕцӕнгарз байст ӕрцыд", — загътой пресс-службӕйы.

Фӕткхалӕджы ныхмӕ баконд ӕрцыдысты уголовон хъуыддӕгтӕ "Хӕцӕнгарзы ӕнӕзаконон зилдух"-ы ӕмӕ "Хицауады минӕвары ныхмӕ тыхархайды"-ы статьяты фӕдыл. Ныртӕккӕ Гӕмосы фырт у ахст, скъуыддзаг цӕуы, цы тӕрхон ын рахӕссой, уый. Табелон хӕцӕнгарзӕй спайда кӕныны факты фӕдыл нысан ӕрцыд службӕйон басгӕрст.

Ног хабӕртты лентӕ
0