ЦХИНВАЛ, 2 фев — Sputnik. Хуссар Иры активон фæсивæд цыппӕрæмы афæндараст сты "Активы скъола"-йы треннингты хайадисынмæ, кӕцытӕ уагъд ӕрцӕудзысты Фыййагдоны, фæсивæдон центр "Барс"-ы.
Ахуыртæ цæудзысты 2-8 февралы. Цхинвалӕй хайадисджыты къорд цыппӕрӕмы фæссихортыл афæндараст дыууæ автобусыл центр "Барс"-мӕ. "Активы скъола"-йы архайдзæн 40 адæймаджы онг — студенттæ, фæсивæдон организациты уæнгтæ æмæ куыстыл хæст фæсивæд.
"Нырма йæ бæстонæй нæ зонæм, цы нæм æнхъæлмæ кæсы, фæлæ дзы уыдзæн хъæзныг ахуырадон нывæзт", — загъта ХИПУ-йы æхсæнадæмон ахастыты факультеты студент Мардан Аль-Дбейси.
Организаторты ныхӕстӕм гӕсгӕ, ахуыртæ цæудзысты æмткæй къордимæ æмæ хицæн здæхæнты. Ахуырадон мадзӕлттӕй дарддæр ма фӕсивӕдӕн арæзт ӕрцӕудзӕн цымыдисон культурон программӕ дӕр.
Мадзал сорганизаци кодта РХИ фæсивæдон иницативӕты центр "Ног фæлæтæр" президенты финансон æххуысæй.
Тренингтæ уадздзысты Цæгат Ирыстоны "Ног фæлтæр"-ы æмæ æндæр уæрæсейаг фæсивæдон организациты уæнгтæ.
