ЦХИНВАЛ, 9 фев, Пресс-службӕ Sputnik. Информацион агентад ӕмӕ радио Sputnik Хуссар Ирыстон райдыдта зындгонд шоумен Карсанты Гурамы хайадистӕй дыууӕ ног авторон радиопрограммӕйы.
Алӕвӕрдтӕй иу — "Ирыстоны мыггӕгтӕ» радзурдзӕн ирон мыггӕгты равзӕрды истори, уыдон ӕхсӕн бастдзинӕдты тыххӕй ӕмӕ ирон адӕмы иууыл ирддӕр минӕвӕртты тыххӕй. Дыккаг алӕвӕрд "Ныхас стъалыимӕ" та у Цӕгат ӕмӕ Хуссар Ирыстоны зындгонд адӕмимӕ — спортсментӕ, музыканттӕ, теарт ӕмӕ кинойы актертимӕ радиоинтервьюты цикл. Рубрикӕйы фыццаг хъайтартӕ суыдзысты театр ӕмӕ кинойы зындгонд актер Уалыты Гиви, Цӕгат Ирыстон ӕмӕ Кӕсӕг-Балхъары сгуыхт артист Цаллаты Вадим ӕмӕ командӕ "Пирамида"-йы капитан Цаллаты Давид.
Амонӕг Карсанты Гурам: "Агентад Sputnik Хуссар Ирыстоны сайты проекттӕн сӕ фылдӕр зонгӕ кӕнынц ирон адӕм, истори ӕмӕ культурӕйы хæдбындурдзинадимӕ. Уыцы тематикӕмӕ ӕнгом лӕууынц ног радиоалӕвӕрдтӕ дӕр "Ирон мыггӕгтӕ" ӕмӕ "Ныхас стъалыимӕ". Уыдон ӕргом кӕнынц националон колориты кӕцыдӕр хицӕндзинӕдтӕ ӕмӕ сусӕгдзинӕдтӕ, радиоинтервьюты циклы та сӕрибар ныхасы форматы мах радзурдзыстӕм Ирыстоны культурон традициты ивгъуыд ӕмӕ ныры заманыл".
Sputnik Хуссар Ирыстон йæ куыст райдыта 2015 азы. Йе сконды ис информацион портал ирон æмæ уырыссаг æвзæгтыл, радиоресурс æмæ мультимедион пресс-центр.
Ног хабæртты портал Sputnik Хуссар Ирыстон ис фыццаг бынатыл бæстæйы интернет ресурсты хсæн. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.
