Хуссар Ир ӕмӕ Уӕрӕсейы хсӕн арӕныл ӕрцахстой тамакойы егъау парти

© Пресс-служба ФТС по Северной ОсетииПартия контрабандных сигарет
Партия контрабандных сигарет - Sputnik Хуссар Ирыстон
Бафыссын
Yandex newsTelegram
Таможенниктæ байстой контрафактон продукци, фæткхалæджы ныхмæ конд æрцæудзæн уголовон хъуыддаг

ЦХИНВАЛ, 15 фев — Sputnik. Цæгатирыстойнаг таможнæйы кусджытæ уадзæн пункт "Дæллаг Зæрæмæг"-ы æрурæдтой æнæзаконæй арæны сæртыл контрабандон уæз аласыны цау. 25-аздзыд уæрæсейаг æмбæстаг тамако бамбæхста йæ микроавтобусы гуыффæйы, хъусын кæны Цæгаткавказаг таможнæйы управленийы пресс-службæ.

© Пресс-служба ФТС по Северной ОсетииКонтрабандон тамакойы парти
Партия контрабандных сигарет - Sputnik Хуссар Ирыстон
Контрабандон тамакойы парти

Ацы азы дæргъы "Дæллаг Зæрæмæг"-ы постыл 7 хатты бафæлвæрдтой тамако аласын. Таможнæйы куысджыты фæрцы уæрæсейаг дуканитæм нæ бахауд 300 мин сомы аргъ 7 мин тамакойы тыхтоны.

"Рентгены нывты анализы рæстæджы зæрдæхсайгæ фæкастысты хæдтулгæйы гуыффæйы талынг бынæттæ. "CONTINENT superslims 5" маркæйы тамакойы 18 290 тыхтон афтæ æмбæхст уыдысты æмæ сæ бахъуыд сисын сæрмагонд мадзæлтты руаджы", — загътой управленийы пресс-службæйы.

Басгæрсты рæстæджы шофыр бафæлвæрдта таможнæйы куысжыты ныхмæ фæлæууын.

Æнæзаконон продукци ист æрцыд, фæткхалæджы ныхмæ уголовон хъуыддаг бакæныны фарст скъуыддзаг цæуы.

Ног хабӕртты лентӕ
0