ЦХИНВАЛ, 20 фев — Sputnik. Уголовон хъуыддаг баконд ӕрцыд арӕзтадон фирмӕйы директоры ныхмӕ, уый аххосджын кӕнынц арӕзтадон фӕзуатыл ӕдасдзинады нормӕты фехӕлды, кӕцытӕ ӕркодтой ӕнамонд цаумӕ — фӕмард уӕзисӕн краныл кусӕг сылгоймаг, хъусын кӕны Цӕгат Ирыстоны территорийыл Уӕрӕсейы СК слестгӕнӕн управлени.
Ацы аз, январы рынчындоны ӕрдӕгарӕзт бӕстыхайы демонтажы рӕстӕджы Дзӕуджыхъӕуы ӕрхауд уӕзисӕн кран. Ӕнамонд цауы амӕттаг бацис 52-аздзыд краныл кусӕг сылгоймаг.
"Краны ӕрхауд ӕмӕ уый аххосӕй сылгоймаджы мӕлӕт ссисты арӕзтадон куыстытӕ ӕххӕст кӕныны рӕстӕджы ӕдасдзинады домӕнты фехӕлды фӕстиуӕг", — дзырдӕуы хъусинаджы.
Уагдоны зонӕнтӕм гӕсгӕ, арӕзтадон фирмӕ "ЭССЕНТ"-ы 65-аздзыд директоры ныхмӕ баконд ӕрцыд уголовон хъуыддаг. Азымгондмӕ ӕнхъӕлмӕ кӕсы фондз азы онг ахӕстоны баконд.
