ЦХИНВАЛ, 3 мар — Sputnik, Болататы Алина. Хуссар Ирыстон Уӕрӕсеимӕ цы иунӕг фӕндаг иу кӕны, ууыл змӕлд у ӕхгӕд 12:40 сахатӕй, хъусын кӕны Цӕгат Ирыстоны УУМ-ы пресс-службӕ.
"Транскам у ӕхгӕд 12:40 сахатӕй, Хуссар Ирыстоны зӕйтӕ кӕй ӕрцыд, уый аххосагӕй", — дзырдӕуы пресс-службӕйы хъусинаджы.
Хуссар Ирыстоны УУМ-ы радгӕсон хайады банысан кодтой, зӕйтӕ кӕй ӕрцыдысты Рукъы.
"Рукъы хъӕумӕ ӕввахс ӕрцыд цалдӕр зӕйы. Уыдон ныртӕккӕ сыгъдӕг кӕнынц. Бӕрнон службӕты ныфс ис, автотранспортон змӕлдӕн фӕндаг кӕй байгом уыдзӕн 15:00 сахатмӕ", — загъта радгӕсон офицер.
Транскавказаг автомагистраль цӕуы уӕлхохых ӕмӕ у иунӕг фӕндаг, кӕцы иу кӕны Хуссар Ирыстон Уӕрӕсеимӕ.
